𑃐𑃝𑃤𑃕𑃦𑃧 𑃢𑃜𑃖𑃘𑃤𑃗 𑃐𑃝𑃤 𑃕𑃦𑃧 𑃒𑃢𑃝𑃢
At the right time, the right thing
𑃐𑃝𑃤𑃕𑃦𑃧 𑃢𑃜𑃖𑃘𑃤𑃗 𑃐𑃝𑃤 𑃕𑃦𑃧 𑃒𑃢𑃝𑃢
𑃢𑃒𑃦𑃜 𑃒𑃙𑃔𑃢 𑃘𑃤𑃗 𑃜𑃢𑃕𑃤 𑃢𑃜𑃦 𑃔𑃟𑃥 𑃘𑃤𑃙𑃠𑃤𑃒𑃝𑃜𑃦 𑃒𑃝𑃜𑃦, 𑃐𑃝𑃜𑃦, 𑃑𑃝𑃜𑃦. 𑃐𑃝𑃜𑃦𑃙 𑃢𑃘𑃢𑃙 𑃠𑃢𑃕𑃝𑃑𑃢𑃔𑃖. 𑃐𑃒𑃒𑃤𑃡 𑃒𑃢𑃝𑃢 𑃠𑃢𑃕𑃝𑃑𑃢𑃘𑃤𑃙 𑃢𑃒𑃖𑃗𑃢𑃧𑃑𑃤𑃙 𑃘𑃥𑃖𑃘𑃣 𑃐𑃣𑃔𑃑𑃣, 𑃑𑃝𑃜𑃦𑃙 𑃢𑃘𑃢𑃙 𑃕𑃔𑃨𑃐𑃥 𑃢𑃙𑃤𑃙 𑃣𑃑𑃑𑃤𑃕𑃢𑃖 𑃢𑃒𑃥𑃔𑃔𑃤 𑃢𑃛𑃑𑃤 𑃘𑃤𑃗 𑃕𑃘𑃥 𑃘𑃤𑃗 𑃔𑃤𑃙 𑃢𑃔𑃝𑃦𑃠𑃦𑃘 𑃢𑃖𑃥𑃧 𑃙𑃒𑃤𑃙 𑃢𑃙𑃦𑃕𑃘 𑃑𑃥𑃒𑃘𑃤𑃙 𑃖𑃥𑃧 𑃑𑃤𑃙𑃣 𑃒𑃤𑃡𑃔𑃦 𑃒𑃝𑃜𑃦𑃙 𑃒𑃢𑃑𑃑𑃥𑃢𑃔𑃖. 𑃐𑃒𑃒𑃤𑃡 𑃢𑃜𑃖 𑃒𑃤𑃝𑃑𑃤𑃙, "𑃢𑃜𑃜𑃤𑃗 𑃑𑃢𑃔𑃣𑃒𑃤𑃙 𑃔𑃟𑃥𑃑𑃣 𑃔𑃣𑃑𑃤. 𑃔𑃤𑃧𑃙𑃣 𑃢𑃕𑃢𑃒𑃝𑃢 𑃢𑃔𑃐𑃣 𑃘𑃤𑃙 𑃤𑃠𑃠𑃢 𑃘𑃢𑃒𑃞𑃦𑃑𑃣𑃔. 𑃒𑃦𑃔𑃤𑃙𑃙𑃢 𑃥𑃝𑃥𑃒𑃜𑃥𑃗 𑃟𑃣𑃥𑃑𑃦𑃙𑃠𑃤 𑃟𑃙𑃑𑃢 𑃒𑃙𑃔𑃢𑃒𑃢 𑃤𑃜𑃘𑃣 𑃒𑃤𑃝 𑃘𑃤𑃙 𑃠𑃤. 𑃒𑃤𑃜𑃦𑃔𑃨𑃤𑃔 𑃟𑃦𑃔𑃙𑃣 𑃐𑃘𑃥𑃗 𑃢𑃜𑃦𑃙 𑃢𑃡𑃖𑃒𑃢. 𑃐𑃝𑃜𑃘𑃦 𑃟𑃙 𑃢𑃒𑃤𑃝𑃙𑃢 𑃢𑃙𑃔𑃗𑃑𑃤𑃙 𑃢𑃔𑃟𑃥𑃙 𑃢𑃜𑃦𑃙𑃠𑃤 𑃢𑃖𑃗 𑃟𑃙𑃢 𑃒𑃤𑃝𑃙𑃢 𑃥𑃒𑃘𑃤𑃗𑃣𑃑𑃤𑃙. 𑃒𑃤𑃡𑃔𑃦 𑃟𑃙𑃢 𑃒𑃦𑃝 𑃙𑃢 𑃢𑃐𑃘𑃢 𑃢𑃔𑃔𑃣𑃝 𑃙𑃔𑃠𑃤. 𑃢𑃗𑃕𑃢𑃧𑃑𑃢 𑃑𑃦𑃕𑃘 𑃘𑃤𑃗 𑃢𑃙𑃔𑃤𑃔𑃘𑃣𑃙 𑃕𑃦𑃝𑃦𑃔𑃘𑃣 𑃣𑃝𑃔𑃟𑃥 𑃘𑃤𑃙𑃒𑃤 𑃒𑃥𑃑𑃤𑃙 𑃟𑃙𑃤 𑃢𑃒𑃤𑃝𑃔𑃖𑃙𑃢 𑃖𑃝 𑃢𑃒𑃤𑃝𑃙𑃢 𑃢𑃙𑃔𑃗 𑃑𑃣 ? 𑃐𑃝𑃜𑃦𑃙 𑃕𑃤𑃠𑃣𑃑𑃤𑃙 𑃟𑃙𑃢𑃙𑃤𑃙𑃠𑃤 𑃥𑃒𑃘𑃤𑃗𑃘𑃣 𑃤𑃠𑃠𑃢 𑃘𑃢𑃒𑃞𑃦 𑃑𑃤𑃔. 𑃢𑃑𑃦𑃕𑃘𑃔𑃢𑃘𑃤𑃙 𑃜𑃝𑃜𑃝 𑃘𑃤𑃙 𑃝𑃨𑃥𑃗 𑃕𑃢𑃖𑃣𑃑𑃤𑃙. 𑃢𑃙𑃤𑃙 𑃒𑃙𑃔𑃢𑃙 𑃐𑃘𑃥𑃗 𑃢𑃛𑃝𑃖𑃗 𑃑𑃢𑃙 𑃤𑃔𑃨𑃤𑃙 𑃔𑃢𑃠𑃣𑃑𑃤𑃙. 𑃑𑃢𑃥𑃑𑃑𑃢𑃝𑃢 𑃥𑃨𑃝𑃘𑃣 𑃝𑃨𑃘𑃣 𑃝𑃥𑃟𑃟𑃥𑃔𑃨𑃔𑃤 𑃘𑃤𑃗𑃙 𑃕𑃙𑃘𑃣 𑃢𑃔𑃖 𑃠𑃦𑃔𑃨𑃢 𑃔𑃢 𑃘𑃤𑃗𑃙 𑃠𑃔𑃘𑃦𑃧 𑃙𑃣𑃑𑃤𑃙. 𑃢𑃙𑃔 𑃒𑃤𑃜𑃦 𑃟𑃣𑃥𑃑𑃦𑃙 𑃠𑃤 𑃤𑃜𑃘𑃣 𑃠𑃢𑃘𑃘𑃢𑃙 𑃤𑃜𑃘𑃣 𑃛𑃤𑃔𑃠𑃤. 𑃑𑃝𑃜𑃦𑃙 𑃢𑃐𑃦𑃠𑃠𑃢𑃝𑃤𑃙 𑃒𑃝𑃜𑃦𑃙 𑃢𑃔𑃦𑃦𑃗 𑃕𑃢𑃖𑃣𑃑𑃤𑃙 " 𑃒𑃢𑃤 𑃐𑃝𑃜𑃦𑃙 𑃢𑃒𑃤𑃝𑃙𑃢𑃙 𑃢𑃠𑃢𑃔𑃤𑃧 𑃔𑃣𑃘𑃣. 𑃘𑃖𑃖𑃤 𑃖𑃙𑃘𑃣𑃙 𑃠𑃤𑃙 𑃢𑃔𑃐𑃣𑃘𑃣 ? 𑃜𑃢𑃗 𑃕𑃢𑃖 𑃟𑃙 𑃢𑃛𑃑𑃤 𑃘𑃤𑃗 𑃖𑃝𑃥𑃧 𑃙𑃢𑃙 𑃡𑃢𑃗𑃑𑃒𑃤 ? " 𑃒𑃝𑃜𑃦𑃙 𑃟𑃙𑃑𑃤 𑃑𑃥𑃖 𑃢𑃜𑃖 𑃘𑃤𑃗 𑃢𑃔𑃙𑃔 𑃕𑃙𑃘𑃥𑃔𑃙 𑃙𑃔. 𑃕𑃢𑃖𑃣𑃑𑃤𑃑𑃤𑃙 - " 𑃢𑃔𑃐𑃗𑃕𑃤 𑃘𑃤𑃗𑃙 𑃒𑃔𑃑𑃦𑃗 𑃘𑃤𑃗 𑃠𑃤𑃙 𑃢𑃘𑃢𑃒𑃞𑃦 ? 𑃢𑃜𑃤𑃗𑃑𑃢 𑃔𑃣𑃒𑃤𑃙 𑃔𑃣𑃙 𑃜𑃢𑃗 𑃕𑃢𑃖 𑃔𑃣𑃕𑃦𑃗 𑃔𑃣𑃑𑃤.
𑃠𑃦𑃔𑃔𑃤 𑃖𑃙𑃘𑃣𑃙 𑃢𑃟𑃜𑃤𑃔𑃒𑃤𑃙 𑃔𑃟𑃥𑃑𑃤 𑃜𑃢𑃗 𑃕𑃢𑃙 𑃔𑃣𑃕𑃦𑃗 𑃟𑃜𑃤𑃔 𑃑𑃢𑃤. 𑃢𑃔𑃨𑃥𑃝 𑃒𑃤𑃙 𑃔𑃟𑃥𑃘𑃤𑃙𑃔𑃣𑃙 𑃖𑃙𑃘𑃣𑃙 𑃢𑃔𑃦𑃦𑃗 𑃖𑃦𑃡𑃙𑃢 𑃢𑃔𑃗𑃖𑃘𑃗𑃙𑃠𑃤 " 𑃒𑃝𑃜𑃦𑃙 𑃢𑃑𑃦𑃦𑃔 𑃘𑃤𑃗 𑃐𑃘𑃥𑃗 𑃒𑃤𑃝𑃙𑃢𑃙 𑃣𑃙𑃝𑃗 𑃢𑃡𑃣𑃔𑃣𑃙. 𑃢𑃙𑃤𑃙 𑃠𑃤 𑃢𑃒𑃒𑃘𑃤𑃗 𑃙𑃠𑃤 𑃠𑃢𑃘𑃘𑃢𑃙 𑃕𑃘𑃥𑃘𑃤. 𑃑𑃜𑃦𑃙 𑃒𑃥𑃔𑃔𑃤𑃔𑃖 𑃢𑃙𑃤𑃙 𑃒𑃜𑃢 𑃒𑃜𑃢 𑃦𑃕𑃘𑃙 𑃦𑃕𑃘𑃣 𑃢𑃟𑃜𑃤𑃔𑃙 𑃢𑃖𑃒𑃝𑃤𑃜 𑃢𑃔𑃐𑃣𑃙𑃣𑃑𑃤𑃙. 𑃒𑃤𑃡𑃔𑃦 𑃟𑃝𑃖𑃖𑃢 𑃢𑃕𑃢𑃖𑃣𑃑𑃤𑃙 𑃒𑃝𑃜𑃦𑃙 𑃠𑃢𑃘𑃘𑃢 𑃘𑃤𑃗𑃙 𑃕𑃘𑃥𑃢𑃙 𑃕𑃘𑃥𑃘𑃣 𑃐𑃑𑃑𑃢 𑃛𑃝𑃛𑃝 𑃘𑃦𑃕𑃤 𑃥𑃨𑃝 𑃘𑃣 𑃔𑃟𑃥𑃙𑃣𑃑𑃤𑃙. 𑃠𑃢𑃘𑃘𑃢𑃙 𑃘𑃗𑃟𑃢𑃙 𑃛𑃢𑃗𑃙 𑃛𑃢𑃗𑃘𑃣 𑃟𑃣𑃥𑃑𑃦𑃙𑃠𑃤 𑃢𑃕𑃤𑃧𑃘𑃣𑃙𑃠𑃤 𑃢𑃒𑃦𑃧 𑃢𑃜𑃦 𑃟𑃜𑃤𑃔𑃘𑃣. 𑃒𑃤𑃡𑃔𑃦 𑃢𑃒𑃦𑃧 𑃢𑃑𑃤 𑃢𑃥𑃝𑃘𑃦𑃕𑃤 𑃢𑃔𑃐𑃣𑃑𑃤𑃙. 𑃢𑃟𑃜𑃤𑃔𑃙 𑃢𑃜𑃦 𑃔𑃣𑃝𑃕𑃢 𑃑𑃒𑃙 𑃑𑃒𑃘𑃣 𑃤𑃔𑃨𑃤𑃙 𑃔𑃟𑃟𑃥𑃘𑃠𑃤. 𑃛𑃝𑃛𑃝 𑃘𑃦𑃕𑃤 𑃢𑃑𑃦𑃗𑃗𑃣𑃑𑃤𑃙 𑃢𑃜𑃦 𑃒𑃝𑃜𑃦𑃙 𑃢𑃔𑃦𑃦𑃗 𑃐𑃒𑃒𑃤𑃡𑃗𑃙 𑃠𑃤 𑃢𑃕𑃕𑃣 𑃕𑃣 𑃘𑃠𑃤. 𑃔𑃢𑃗𑃕𑃥𑃙 𑃒𑃢𑃑𑃤 𑃢𑃒𑃒𑃙𑃑𑃥𑃨𑃔𑃘𑃣 𑃢𑃔𑃝𑃢𑃥𑃔𑃘𑃠𑃤.
𑃟𑃣𑃥𑃑𑃦𑃙𑃠𑃤 𑃢𑃙𑃤𑃙 𑃢𑃔𑃦𑃦𑃗 𑃡𑃖 𑃡𑃖 𑃒𑃑𑃤𑃔 𑃘𑃗 𑃟𑃢𑃙 𑃛𑃢𑃗𑃘𑃣 𑃢𑃜𑃑𑃢𑃤 𑃕𑃤𑃠𑃣𑃙𑃠𑃤 𑃢𑃟𑃜𑃤𑃔𑃙 𑃢𑃖𑃒𑃝𑃤𑃧 𑃢𑃔𑃐𑃣𑃙𑃣𑃑𑃤𑃙 𑃑𑃝𑃜𑃦𑃙 𑃔𑃦𑃝𑃕𑃢 𑃔𑃤𑃝𑃕𑃢 𑃥𑃨𑃝𑃘𑃣 𑃝𑃥𑃟𑃟𑃥𑃔𑃨𑃤 𑃘𑃤𑃗𑃙 𑃕𑃙𑃘𑃣 𑃖𑃤𑃧 𑃑𑃢𑃘 𑃠𑃦𑃔𑃨𑃢 𑃔𑃢 𑃘𑃤𑃗 𑃠𑃔𑃘𑃦𑃧 𑃙𑃣𑃑𑃤𑃙. 𑃟𑃙𑃑𑃢𑃓𑃙 𑃛𑃐𑃤𑃧 𑃠𑃤. 𑃐𑃝𑃤𑃕𑃦𑃧 𑃢𑃜𑃖𑃘𑃤𑃗 𑃐𑃝𑃤𑃕𑃦𑃧 𑃢𑃒𑃢𑃝𑃢 𑃣𑃝𑃘𑃥𑃖 𑃘𑃒𑃤 𑃒𑃝𑃜𑃦𑃙 𑃜𑃢𑃗 𑃕𑃢𑃖 𑃔𑃣𑃘𑃤 𑃢𑃕𑃤𑃧𑃘𑃣. 𑃢𑃜𑃤𑃗 𑃢𑃔𑃤𑃙𑃙𑃢 𑃢𑃡𑃗𑃙𑃢 𑃟𑃙𑃑𑃢𑃔𑃤𑃙𑃢 𑃡𑃗𑃘𑃤𑃙 𑃢𑃐𑃣𑃔𑃘𑃤𑃙 𑃛𑃦𑃝𑃤𑃟𑃤𑃜𑃢 𑃢𑃐𑃦𑃖𑃜 𑃕𑃙𑃣𑃕𑃣𑃙 𑃢𑃔𑃔𑃟𑃥𑃣.
𑃢𑃒𑃦𑃜 𑃒𑃙𑃔𑃢 𑃘𑃤𑃗 𑃜𑃢𑃕𑃤 𑃢𑃜𑃦 𑃔𑃟𑃥 𑃘𑃤𑃙𑃠𑃤𑃒𑃝𑃜𑃦 𑃒𑃝𑃜𑃦, 𑃐𑃝𑃜𑃦, 𑃑𑃝𑃜𑃦. 𑃐𑃝𑃜𑃦𑃙 𑃢𑃘𑃢𑃙 𑃠𑃢𑃕𑃝𑃑𑃢𑃔𑃖. 𑃐𑃒𑃒𑃤𑃡 𑃒𑃢𑃝𑃢 𑃠𑃢𑃕𑃝𑃑𑃢𑃘𑃤𑃙 𑃢𑃒𑃖𑃗𑃢𑃧𑃑𑃤𑃙 𑃘𑃥𑃖𑃘𑃣 𑃐𑃣𑃔𑃑𑃣, 𑃑𑃝𑃜𑃦𑃙 𑃢𑃘𑃢𑃙 𑃕𑃔𑃨𑃐𑃥 𑃢𑃙𑃤𑃙 𑃣𑃑𑃑𑃤𑃕𑃢𑃖 𑃢𑃒𑃥𑃔𑃔𑃤 𑃢𑃛𑃑𑃤 𑃘𑃤𑃗 𑃕𑃘𑃥 𑃘𑃤𑃗 𑃔𑃤𑃙 𑃢𑃔𑃝𑃦𑃠𑃦𑃘 𑃢𑃖𑃥𑃧 𑃙𑃒𑃤𑃙 𑃢𑃙𑃦𑃕𑃘 𑃑𑃥𑃒𑃘𑃤𑃙 𑃖𑃥𑃧 𑃑𑃤𑃙𑃣 𑃒𑃤𑃡𑃔𑃦 𑃒𑃝𑃜𑃦𑃙 𑃒𑃢𑃑𑃑𑃥𑃢𑃔𑃖. 𑃐𑃒𑃒𑃤𑃡 𑃢𑃜𑃖 𑃒𑃤𑃝𑃑𑃤𑃙, "𑃢𑃜𑃜𑃤𑃗 𑃑𑃢𑃔𑃣𑃒𑃤𑃙 𑃔𑃟𑃥𑃑𑃣 𑃔𑃣𑃑𑃤. 𑃔𑃤𑃧𑃙𑃣 𑃢𑃕𑃢𑃒𑃝𑃢 𑃢𑃔𑃐𑃣 𑃘𑃤𑃙 𑃤𑃠𑃠𑃢 𑃘𑃢𑃒𑃞𑃦𑃑𑃣𑃔. 𑃒𑃦𑃔𑃤𑃙𑃙𑃢 𑃥𑃝𑃥𑃒𑃜𑃥𑃗 𑃟𑃣𑃥𑃑𑃦𑃙𑃠𑃤 𑃟𑃙𑃑𑃢 𑃒𑃙𑃔𑃢𑃒𑃢 𑃤𑃜𑃘𑃣 𑃒𑃤𑃝 𑃘𑃤𑃙 𑃠𑃤. 𑃒𑃤𑃜𑃦𑃔𑃨𑃤𑃔 𑃟𑃦𑃔𑃙𑃣 𑃐𑃘𑃥𑃗 𑃢𑃜𑃦𑃙 𑃢𑃡𑃖𑃒𑃢. 𑃐𑃝𑃜𑃘𑃦 𑃟𑃙 𑃢𑃒𑃤𑃝𑃙𑃢 𑃢𑃙𑃔𑃗𑃑𑃤𑃙 𑃢𑃔𑃟𑃥𑃙 𑃢𑃜𑃦𑃙𑃠𑃤 𑃢𑃖𑃗 𑃟𑃙𑃢 𑃒𑃤𑃝𑃙𑃢 𑃥𑃒𑃘𑃤𑃗𑃣𑃑𑃤𑃙. 𑃒𑃤𑃡𑃔𑃦 𑃟𑃙𑃢 𑃒𑃦𑃝 𑃙𑃢 𑃢𑃐𑃘𑃢 𑃢𑃔𑃔𑃣𑃝 𑃙𑃔𑃠𑃤. 𑃢𑃗𑃕𑃢𑃧𑃑𑃢 𑃑𑃦𑃕𑃘 𑃘𑃤𑃗 𑃢𑃙𑃔𑃤𑃔𑃘𑃣𑃙 𑃕𑃦𑃝𑃦𑃔𑃘𑃣 𑃣𑃝𑃔𑃟𑃥 𑃘𑃤𑃙𑃒𑃤 𑃒𑃥𑃑𑃤𑃙 𑃟𑃙𑃤 𑃢𑃒𑃤𑃝𑃔𑃖𑃙𑃢 𑃖𑃝 𑃢𑃒𑃤𑃝𑃙𑃢 𑃢𑃙𑃔𑃗 𑃑𑃣 ? 𑃐𑃝𑃜𑃦𑃙 𑃕𑃤𑃠𑃣𑃑𑃤𑃙 𑃟𑃙𑃢𑃙𑃤𑃙𑃠𑃤 𑃥𑃒𑃘𑃤𑃗𑃘𑃣 𑃤𑃠𑃠𑃢 𑃘𑃢𑃒𑃞𑃦 𑃑𑃤𑃔. 𑃢𑃑𑃦𑃕𑃘𑃔𑃢𑃘𑃤𑃙 𑃜𑃝𑃜𑃝 𑃘𑃤𑃙 𑃝𑃨𑃥𑃗 𑃕𑃢𑃖𑃣𑃑𑃤𑃙. 𑃢𑃙𑃤𑃙 𑃒𑃙𑃔𑃢𑃙 𑃐𑃘𑃥𑃗 𑃢𑃛𑃝𑃖𑃗 𑃑𑃢𑃙 𑃤𑃔𑃨𑃤𑃙 𑃔𑃢𑃠𑃣𑃑𑃤𑃙. 𑃑𑃢𑃥𑃑𑃑𑃢𑃝𑃢 𑃥𑃨𑃝𑃘𑃣 𑃝𑃨𑃘𑃣 𑃝𑃥𑃟𑃟𑃥𑃔𑃨𑃔𑃤 𑃘𑃤𑃗𑃙 𑃕𑃙𑃘𑃣 𑃢𑃔𑃖 𑃠𑃦𑃔𑃨𑃢 𑃔𑃢 𑃘𑃤𑃗𑃙 𑃠𑃔𑃘𑃦𑃧 𑃙𑃣𑃑𑃤𑃙. 𑃢𑃙𑃔 𑃒𑃤𑃜𑃦 𑃟𑃣𑃥𑃑𑃦𑃙 𑃠𑃤 𑃤𑃜𑃘𑃣 𑃠𑃢𑃘𑃘𑃢𑃙 𑃤𑃜𑃘𑃣 𑃛𑃤𑃔𑃠𑃤. 𑃑𑃝𑃜𑃦𑃙 𑃢𑃐𑃦𑃠𑃠𑃢𑃝𑃤𑃙 𑃒𑃝𑃜𑃦𑃙 𑃢𑃔𑃦𑃦𑃗 𑃕𑃢𑃖𑃣𑃑𑃤𑃙 " 𑃒𑃢𑃤 𑃐𑃝𑃜𑃦𑃙 𑃢𑃒𑃤𑃝𑃙𑃢𑃙 𑃢𑃠𑃢𑃔𑃤𑃧 𑃔𑃣𑃘𑃣. 𑃘𑃖𑃖𑃤 𑃖𑃙𑃘𑃣𑃙 𑃠𑃤𑃙 𑃢𑃔𑃐𑃣𑃘𑃣 ? 𑃜𑃢𑃗 𑃕𑃢𑃖 𑃟𑃙 𑃢𑃛𑃑𑃤 𑃘𑃤𑃗 𑃖𑃝𑃥𑃧 𑃙𑃢𑃙 𑃡𑃢𑃗𑃑𑃒𑃤 ? " 𑃒𑃝𑃜𑃦𑃙 𑃟𑃙𑃑𑃤 𑃑𑃥𑃖 𑃢𑃜𑃖 𑃘𑃤𑃗 𑃢𑃔𑃙𑃔 𑃕𑃙𑃘𑃥𑃔𑃙 𑃙𑃔. 𑃕𑃢𑃖𑃣𑃑𑃤𑃑𑃤𑃙 - " 𑃢𑃔𑃐𑃗𑃕𑃤 𑃘𑃤𑃗𑃙 𑃒𑃔𑃑𑃦𑃗 𑃘𑃤𑃗 𑃠𑃤𑃙 𑃢𑃘𑃢𑃒𑃞𑃦 ? 𑃢𑃜𑃤𑃗𑃑𑃢 𑃔𑃣𑃒𑃤𑃙 𑃔𑃣𑃙 𑃜𑃢𑃗 𑃕𑃢𑃖 𑃔𑃣𑃕𑃦𑃗 𑃔𑃣𑃑𑃤.
𑃠𑃦𑃔𑃔𑃤 𑃖𑃙𑃘𑃣𑃙 𑃢𑃟𑃜𑃤𑃔𑃒𑃤𑃙 𑃔𑃟𑃥𑃑𑃤 𑃜𑃢𑃗 𑃕𑃢𑃙 𑃔𑃣𑃕𑃦𑃗 𑃟𑃜𑃤𑃔 𑃑𑃢𑃤. 𑃢𑃔𑃨𑃥𑃝 𑃒𑃤𑃙 𑃔𑃟𑃥𑃘𑃤𑃙𑃔𑃣𑃙 𑃖𑃙𑃘𑃣𑃙 𑃢𑃔𑃦𑃦𑃗 𑃖𑃦𑃡𑃙𑃢 𑃢𑃔𑃗𑃖𑃘𑃗𑃙𑃠𑃤 " 𑃒𑃝𑃜𑃦𑃙 𑃢𑃑𑃦𑃦𑃔 𑃘𑃤𑃗 𑃐𑃘𑃥𑃗 𑃒𑃤𑃝𑃙𑃢𑃙 𑃣𑃙𑃝𑃗 𑃢𑃡𑃣𑃔𑃣𑃙. 𑃢𑃙𑃤𑃙 𑃠𑃤 𑃢𑃒𑃒𑃘𑃤𑃗 𑃙𑃠𑃤 𑃠𑃢𑃘𑃘𑃢𑃙 𑃕𑃘𑃥𑃘𑃤. 𑃑𑃜𑃦𑃙 𑃒𑃥𑃔𑃔𑃤𑃔𑃖 𑃢𑃙𑃤𑃙 𑃒𑃜𑃢 𑃒𑃜𑃢 𑃦𑃕𑃘𑃙 𑃦𑃕𑃘𑃣 𑃢𑃟𑃜𑃤𑃔𑃙 𑃢𑃖𑃒𑃝𑃤𑃜 𑃢𑃔𑃐𑃣𑃙𑃣𑃑𑃤𑃙. 𑃒𑃤𑃡𑃔𑃦 𑃟𑃝𑃖𑃖𑃢 𑃢𑃕𑃢𑃖𑃣𑃑𑃤𑃙 𑃒𑃝𑃜𑃦𑃙 𑃠𑃢𑃘𑃘𑃢 𑃘𑃤𑃗𑃙 𑃕𑃘𑃥𑃢𑃙 𑃕𑃘𑃥𑃘𑃣 𑃐𑃑𑃑𑃢 𑃛𑃝𑃛𑃝 𑃘𑃦𑃕𑃤 𑃥𑃨𑃝 𑃘𑃣 𑃔𑃟𑃥𑃙𑃣𑃑𑃤𑃙. 𑃠𑃢𑃘𑃘𑃢𑃙 𑃘𑃗𑃟𑃢𑃙 𑃛𑃢𑃗𑃙 𑃛𑃢𑃗𑃘𑃣 𑃟𑃣𑃥𑃑𑃦𑃙𑃠𑃤 𑃢𑃕𑃤𑃧𑃘𑃣𑃙𑃠𑃤 𑃢𑃒𑃦𑃧 𑃢𑃜𑃦 𑃟𑃜𑃤𑃔𑃘𑃣. 𑃒𑃤𑃡𑃔𑃦 𑃢𑃒𑃦𑃧 𑃢𑃑𑃤 𑃢𑃥𑃝𑃘𑃦𑃕𑃤 𑃢𑃔𑃐𑃣𑃑𑃤𑃙. 𑃢𑃟𑃜𑃤𑃔𑃙 𑃢𑃜𑃦 𑃔𑃣𑃝𑃕𑃢 𑃑𑃒𑃙 𑃑𑃒𑃘𑃣 𑃤𑃔𑃨𑃤𑃙 𑃔𑃟𑃟𑃥𑃘𑃠𑃤. 𑃛𑃝𑃛𑃝 𑃘𑃦𑃕𑃤 𑃢𑃑𑃦𑃗𑃗𑃣𑃑𑃤𑃙 𑃢𑃜𑃦 𑃒𑃝𑃜𑃦𑃙 𑃢𑃔𑃦𑃦𑃗 𑃐𑃒𑃒𑃤𑃡𑃗𑃙 𑃠𑃤 𑃢𑃕𑃕𑃣 𑃕𑃣 𑃘𑃠𑃤. 𑃔𑃢𑃗𑃕𑃥𑃙 𑃒𑃢𑃑𑃤 𑃢𑃒𑃒𑃙𑃑𑃥𑃨𑃔𑃘𑃣 𑃢𑃔𑃝𑃢𑃥𑃔𑃘𑃠𑃤.
𑃟𑃣𑃥𑃑𑃦𑃙𑃠𑃤 𑃢𑃙𑃤𑃙 𑃢𑃔𑃦𑃦𑃗 𑃡𑃖 𑃡𑃖 𑃒𑃑𑃤𑃔 𑃘𑃗 𑃟𑃢𑃙 𑃛𑃢𑃗𑃘𑃣 𑃢𑃜𑃑𑃢𑃤 𑃕𑃤𑃠𑃣𑃙𑃠𑃤 𑃢𑃟𑃜𑃤𑃔𑃙 𑃢𑃖𑃒𑃝𑃤𑃧 𑃢𑃔𑃐𑃣𑃙𑃣𑃑𑃤𑃙 𑃑𑃝𑃜𑃦𑃙 𑃔𑃦𑃝𑃕𑃢 𑃔𑃤𑃝𑃕𑃢 𑃥𑃨𑃝𑃘𑃣 𑃝𑃥𑃟𑃟𑃥𑃔𑃨𑃤 𑃘𑃤𑃗𑃙 𑃕𑃙𑃘𑃣 𑃖𑃤𑃧 𑃑𑃢𑃘 𑃠𑃦𑃔𑃨𑃢 𑃔𑃢 𑃘𑃤𑃗 𑃠𑃔𑃘𑃦𑃧 𑃙𑃣𑃑𑃤𑃙. 𑃟𑃙𑃑𑃢𑃓𑃙 𑃛𑃐𑃤𑃧 𑃠𑃤. 𑃐𑃝𑃤𑃕𑃦𑃧 𑃢𑃜𑃖𑃘𑃤𑃗 𑃐𑃝𑃤𑃕𑃦𑃧 𑃢𑃒𑃢𑃝𑃢 𑃣𑃝𑃘𑃥𑃖 𑃘𑃒𑃤 𑃒𑃝𑃜𑃦𑃙 𑃜𑃢𑃗 𑃕𑃢𑃖 𑃔𑃣𑃘𑃤 𑃢𑃕𑃤𑃧𑃘𑃣. 𑃢𑃜𑃤𑃗 𑃢𑃔𑃤𑃙𑃙𑃢 𑃢𑃡𑃗𑃙𑃢 𑃟𑃙𑃑𑃢𑃔𑃤𑃙𑃢 𑃡𑃗𑃘𑃤𑃙 𑃢𑃐𑃣𑃔𑃘𑃤𑃙 𑃛𑃦𑃝𑃤𑃟𑃤𑃜𑃢 𑃢𑃐𑃦𑃖𑃜 𑃕𑃙𑃣𑃕𑃣𑃙 𑃢𑃔𑃔𑃟𑃥𑃣.
What's Your Reaction?
